മനു വാസു ദേവ്

തേടി നടന്നു ഞാൻ
കാലങ്ങളേറെയായ്
നിൻ നിഴൽ ചിത്രങ്ങൾ
ഒപ്പിയെടുക്കുവാൻ
ഊർന്നിറങ്ങുന്ന
തൂമഞ്ഞിൻ കണികയെ പൂക്കളോരോന്നായ്
മാടി വിളിക്കുന്നു
പൂക്കൾ ചുരത്തുന്ന
നറുതേൻ കണികകൾ
കരിവണ്ട്ആർത്തിയാൽ
മുത്തി കുടിക്കുന്നു
നിശ തൻ കൂരിരുൾ
മനസിൻ മരവിപ്പിൻ
ആക്കങ്ങൾ വല്ലാതെ
കൂടിടുന്നു
കാത്തിരിപ്പിൻ ദൈർഘ്യങ്ങൾ കൂടുമ്പോൾ
മനസിലെ തീക്കനൽ
വല്ലാതെ തെളിയുന്നു
മരുഭൂവിലൊഴുകുന്ന
തെളിനീരുപോൽ
വറ്റി പോകുന്നു
ഇന്നെന്നിലെ പ്രണയങ്ങൾ
കാത്തിരിക്കാനിനി വയ്യ
കാത്തു വച്ചതൊക്കെയും
ചാരങ്ങൾ മാത്രം.....